【頸椎病引發周身痛 睇你中咗幾多樣﹖】
＃好多人都唔知同頸椎有關 ＃又名手機病 ＃牽一髮動全身 ＃成日都好攰又好暈 ＃其實係頸椎出問題 ＃矯正吓就好 ＃不需手術
脊骨神經科醫生（註冊脊醫）何梖榮同小編講，好多時因為頸椎病來睇醫生的人，往往都睇過唔同專科、搵過好多按摩師都搵唔到問題所在，輾轉先知原來成日周身唔舒服是因為頸椎問題引起。
佢話尤其是長用手機/電腦的人，因為長期垂頭，頸椎一般都會錯位，失去正確的生理弧度。由於頸椎裡有供應腦部血液的血管，錯位就會令腦部供血不足，引起頭痛、頭暈、好易攰、甚至思緒分散、記憶力減退。好多時病人都以為自已生了什麼怪病或是腦部生瘤引起，其實只係頸椎問題。利用手法矯正，令頸椎回復正常位置就鬆返晒！
至於其他痛症更是常見，都是因為成日縮膊用手機引起的。有時候條腰痛，慢慢追返原因，先知原來是由於頸椎出問題，令成條脊椎不穩定引發！因此要處理痛症，一定要從整體治療，頭痛醫頭，腳痛醫腳，永難斷尾啊！
Search